«Աբակ» ակադեմիայի սաներ 7-ամյա Ռաֆայել Մովսեսյանը եւ 14-ամյա Սոնա Ստեփանյանը հունիսի 22-ին Անթալիայում տեղի ունեցած մենթալ թվաբանության միջազգային օլիմպիադային նվաճել են սուպերչեմպիոնի տիտղոսներ:
6-ից 18 տարեկանների օլիմպիադային մասնակցում էր մենթալ թվաբանություն ուսումնասիրող մոտ 600 աշակերտ Հայաստանից, Ռուսաստանից, Բելառուսից, Ֆրանսիայից, Ղազախստանից, Ղրղզստանից, Ուզբեկստանից, Ուկրաինայից, Մոլդովայից, Լիբանանից, Հորդանանից, Իրաքից, Իրանից, Միացյալ Արաբական Էմիրություններից եւ Ադրբեջանից:
Հայաստանի մյուս ներկայացուցիչներ, «Աբակ» մենթալ թվաբանության ակադեմիայի սաներ Հրանտ Բարսեղանն ու Էմիլի Թադեւոսյանը դարձել են չեմպիոն, Դավիթ Եսայանը, Նարեկ Ստեփանյանը, Լիլիթ Արզումանյանն ու Մհեր Գեւորգյանը դարձել են առաջին տեղերի մրցանակակիրներ, իսկ Կարին Մելիքյանն ու Ալեքսանդր Հայրապետյանը՝ երրորդ:
Տեղեկացնենք, որ մասնակիցները մրցում էին ըստ տարիքային խմբերի եւ մենթալ թվաբանության բարդության աստիճանների:
