Ռուսական էստրադայի պրիմադոննա, երգչուհի Ալլա Պուգաչովան առողջական խնդիրներ ունի: Այս պահին նա իր ընտանիքի հետ Կիպրոսում է, որտեղ խոնավության ու շոգի պատճառով քայլելու ուժ չունի։ Այս մասին հայտնում է «НеМалахов» տելեգրամյան ալիքը:
«Նրա ոտքերն ուռչում են խոնավությունից և բարձր ջերմաստիճանից։ Նա ընդհանրապես քայլելու ուժ չունի»,- հայտնել է տելեգրամյան ալիքը։
Նշվում է նաև, որ Պուգաչովան այժմ պատրաստվում է տեղափոխվել Յուրմալա, որտեղ սեփական վիլլա ունի։
Ավելի վաղ ռուսական ԶԼՄ-ները բազմիցս գրել են, որ արտիստը մահացու հիվանդ է և առողջական լրջագույն խնդիրներ ունի:
