Մոսկվայում 49 տարեկան հասակում մահացել է հայտնի երգիչ, «Ласковый май» խմբի սոլիստ Յուրի Շատունովը։ Լուրը տարածում են ռուսական ԶԼՄ-ները։
Մահը վրա է հասել սրտի սուր անբավարարության հետևանքով շտապ օգնության մեքենայի մեջ՝ հիվանդանոց տեղափոխելու ճանապարհին։
Յուրի Շատունովը ծնվել է 1973թ.–ին։ Նա իր մանկության տարիներն անցկացրել է մանկատանը՝ ծնողները ամուսնալուծված են եղել, իսկ մայրը մահացել է, երբ Շատունովը 11 տարեկան է եղել։ Մանկատանը նա հանդիպել է Սերգեյ Կուզնեցովին, ով սիրողական խմբակի ղեկավարն էր, այդ պահից սկսվեց «Ласковый май» խմբի պատմությունն ու Շատունովի կարիերան։
