Ռուս խաղաղապահները շարունակում են իրենց առաջադրանքների կատարումը Լեռնային Ղարաբաղի տարածքում: Այս մասին տեղեկանում ենք ՌԴ ՊՆ-ի տեղեկագրյան էջից:
Ըստ գերատեսչության՝ խաղաղապահներն իրավիճակի և հրադադարի ռեժիմի պահպանման շուրջօրյա վերահսկողություն են իրականացնում 27 դիտակետերում: Հրադադարի ռեժիմը պահպանվում է շփման գծի ողջ երկայնքով: Ռուս խաղաղապահ զորակազմն ապահովել է Ադրբեջանի Զինված ուժերի վեց շարասյան տեղաշարժը Լաչինի միջանցքով հյուսիսային և հարավային ուղղություններով: Ռուս խաղաղապահներն ապահովում եննաև քաղաքացիների տեղաշարժման անվտանգությունն ու քաղաքացիական ենթակառուցվածքների վերականգնումը:
Հումանիտար արձագանքման ռուսական կենտրոնի ինժեներա-սակրավորական խմբերը շարունակում են ականազերծման աշխատանքները Լեռնային Ղարաբաղի տարածքում: Վերջին մեկ օրում մաքրվել է 10 հա տարածք, 3 կմ ճանապարհ, հայտնաբերվել է 17 պայթյունավտանգ առարկա: Ընդհանուր առմամբ, 2020 թվականի նոյեմբերի 23-ից ի վեր չպայթած զինամթերքից մաքրվել է 1900 հա տարածք, 583 կմ ճանապարհ, 1658 շինություն, այդ թվում՝ 30 սոցիական նշանակության կառույց: Հայտնաբերվել և վնասազերծվել է 25 404 պայթյունավտանգ առարկա:
