Ռուսաստանի Պաշտպանության նախարարության Միջազգային հակաականային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքները։ Այս մասին հայտնում են ՌԴ պաշտպանության նախարարությունից:
«Ռուսաստանի խաղաղապահ ուժերի ինժեներական ստորաբաժանումները Ստեփանակերտի հյուսիսային ծայրամասի ականազերծում են իրականացնում ձյան ինտենսիվ տեղումների պայմաններում: Այդ ամենը հանգեցրել է տեսանելիության զգալի նվազմանը և սակրավորների աշխատանքի դժվարացմանը: Գործողության ողջ ընթացքում Լեռնային Ղարաբաղում ռուսական խաղաղապահ ուժերի ինժեներական ստորաբաժանումներն ականազերծել են ավելի քան 280 հեկտար տարածք, շուրջ 107 կմ ճանապարհ, 452 շենք ու շինություն: Հայտնաբերվել և վնասազերծվել է ավելի քան 9 հազար պայթուցիկ առարկա»,- նշված է հաղորդագրության մեջ։
Լեռնային Ղարաբաղում պայթունավտանգ առարկաներից տարածքի ականազերծման և մաքրման ընթացքում ռուս խաղաղապահները կիրառում են ժամանակակից ռոբոտատեխնիկական համալիրներ, որոնք թույլ են տալիս պահպանել ականազերծման բարձր տեմպը լեռնային տեղանքի և վատ եղանակային պայմաններում:
