Արցախի հերոս բարձրագույն կոչմանն արժանացած Դավիթ Լյովայի Գրիգորյանը զոհվել է, հայտնում են Սարդարապատի համայնքապետարանի ֆեյսբուքյան էջում:
«Մե՛ր Դավիթ, մե՛ր հերոս, մեր սարդարապատցի՛ Դավիթ, դու հաղթեցիր, մենք պարտվեցինք, քանզի մեր մեջ քիչ էր քո տեսակը։
Խոնարհվում ենք քո առաջ, քո կատարած սխրանքների առաջ, դու պետք է մնայիր ու կրթեիր մի ողջ ժողովուրդ։ Աստված հոգիդ լուսավորի․․․»:
Հոգեհանգստի արարողությունն այսօր է Սարդարապատ համայնքի Սուրբ Աստվածածին եկեղեցում։
Դավիթն ակտիվորեն մասնակցել է մարտական գործողություններին, Ֆիզուլիի հատվածում խոցել էր 15 տանկ և 1 միավոր ՀՄՄ:
