ԿԳՄՍ նախարարության մոտից 24 անձ բերման է ենթարկվել ոստիկանություն: Նրանք տարվել են ոստիկանության Կենտրոնական բաժին Վարչական իրավախախտումների վերաբերյալ օրենսգրքի 182-րդ հոդվածով նախատեսված ոստիկանի օրինական պահանջը չկատարելու հիմքով:
Այժմ ՀՅԴ երիտասարդները երթով գնում են Կենտրոնի ոստիկանական բաժանմունք, որպեսզի տեսնեն՝ ինչ հիմքով են իրենց ընկերները բերման ենթարկվել։
Հիշեցնենք, որ այսօր ժամը 15:00-ին ՀՅԴ ՀԵՄ ներկայացուցիչները եկել էին ԿԳՄՍ նախարարության դիմաց նախարարի հետ հանդիպման: Նրանք պահանջում են Արայիկ Հարությունյանի հրաժարականը:
