Պյատիգորսկում քրեական գործ է հարուցվել գարեջրատանը կենցաղային գազի պայթյունի փաստով, որի հետեւանքով 2 մարդ է մահացել:
Դեպքը տեղի է ունեցել այսօր առավոտյան: Պայթյունը որոտացել է «Սյուրպրիզ» գարեջրային մասնավոր ընկերության տարածքում: Այն գտնվում է հետեւյալ հասցեով՝ քաղաք Պյատիգորսկ, Նովիյ շրջան, Մարշալ Ժուկովի փողոց, 54:
Նախնական տվյալներով՝ մահացածները աշխատել են այդ ձեռնարկությունում:
Հիշեցնենք՝ Shamshyan.com-ի տեղեկություններով՝ ողբերգական դեպքի հետեւանքով մահացել է ոստիկանության Երեւան քաղաքի վարչության նախկին պետ, ոստիկանության գեներալ-մայոր Աշոտ Կարապետյանը
Քրեական գործ է հարուցվել «աշխատանքային պահանջների խախտում, որն անզգուշությամբ հանգեցրել է երկու կամ ավելի անձանց մահվան» հոդվածով:
Միեւնույն ժամանակ, Պյատիգորսկի քաղաքապետարանի մամուլի ծառայությունը հայտնել է, որ մահացածները «զբաղված են եղել արտադրությամբ», եւ որ գարեջրատունը չպետք է միացված լիներ գազային ցանցերին:
Այժմ դեպքի վայրում քննիչներ, ԱԻՆ աշխատակիցներ եւ ոստիկաններ են աշխատում: Դեպքի պատճառներն ու հանգամանքները պարզվում են:
