ՀՀ ազգային անվտանգության նախկին տնօրեն Արթուր Վանեցյանը Ինստագրամի իր էջում ցավակցել է լեգենդար հետախույզ Գոհար Վարդանյանի մահվան կապակցությամբ:
«Խոր ցավով տեղեկացա, որ այսօր կյանքից հեռացել է լեգենդար հետախույզ Գոհար Վարդանյանը: Անգնահատելի են տիկին Գոհարի և նրա ամուսնու՝ անվանի հետախույզ Գևորգ Վարդանյանի վաստակն ու գործադրած ջանքերը հատկապես ֆաշիզմի դեմ պայքարում:
Ցավակցում եմ վաստակաշատ հետախույզի ընտանիքին ու հարազատներին. կիսում եմ նրանց վիշտը»,- գրել է նա:
Ավելի վաղ հայտնել էինք, որ մահացել է հետախույզ Գոհար Վարդանյանը:
