Երեկ՝ նոյեմբերի 21-ին, խոշոր ավտովթար է տեղի ունեցել Կոտայքի մարզում: Ժամը 08:30-ի սահմաններում Ձորաղբյուր գյուղում բախվել են Կոտայքի մարզի բնակիչներ, 35-ամյա Արմեն Մ.-ի վարած Nissan մակնիշի 36 NՍ 872 համարանիշի և 25-ամյա Ռուստամ Ե.-ի վարած Volkswagen մակնիշի 47 RՍ 007 համարանիշի ավտոմեքենաները:
Shamshyan.com-ի փոխանցմամբ՝ վթարի հետևանքով վարորդներից Ռուստամ Ե.-ն և ուղևոր, Կոտայքի մարզի բնակիչ, 22-ամյա Դավիթ Գ.-ն մարմնական վնասվածքներով տեղափոխվել են «Աբովյան» բժշկական կենտրոն:
Կայքը հայտնում է, որ բախման հետևանքով Volkswagen-ը գլխիվայր շրջվել է:
