Օրը կիրակի է, բոլորը հանգստանում են, իսկ ես քրեական գործ եմ կարդում: Կարդում եմ գործը, հետո դատավճիռը և համոզվում մի բանում: Ժողովրդավարության միակ հաստատման ձևը, դա անհատական տեռորն է: Ոչ մի վիժվածք իրավունք չունի ապրելու, շնչելու մայր Հայաստանի օդը, քայլելու մեր փողոցներով եթե երբևիցե տվել և կատարել է պատվեր, որի արդյունքում խորտակվել է գեթ մեկ արժանավոր հայի ճակատագիր, վերջինս կրել է անդառնալի կորուստներ: Եվ կրել է այդ կորուստները, որովհետև մի խումբ վիժվածքներ իրենց դրել են Աստծո տեղ, համարել են որ իրենք կարող են ճակատագիր որոշեն, հանուն իրենց լավ ապրելու:
Այստեղ ցանկանում եմ հիշեցնել այդ տականքներին ՝ տիկնայք և պարոնայք, գերեզմանում գրպաններ չկան, ոնց դատարկ եկել էք այդպես էլ գնալու էք: Եվ այսպես՝
Կարդում եմ Սամվել Դիլոյանի քրեական գործը: Գործին այսօր չեմ անրադառնա: Հրապարակեմ միայն եզրափակիչ մասը:
Ակնհայտ անմեղ մարդը դատապարտվել է 12 տարի ազատազրկման, իր կողմից չկատարված սպանության համար, կալանքի տակ է արդեն յոթ տարի: Գործը կազմված է լկտի ցինիզմով, ռոբասերժական տականքների ոճով: Վստահ եմ,, նույնիսկ թուրքը, այդ փաստերով դատավճիռ չէր կայացնի և չէր հաստատի:
Գործով առերևույթ որպես պատվիրատու անցնում են մեր հանրապետական <<սրբերը>> ՝ Էդուարդ Շարմազանով, Վահրամ Բաղդասարյան, Աղվան Հովսեփյան, Վլադիմիր Գասպարյան:
Որպես առերևույթ կատարողներ ՝ դատախազ Երիցյան, քննչականի պետ Թաթուլ Շուշանյան, մարզային ոստիկանապետ Անուբախ Ղամբարյան, առաջին ատյանի և վերաքննիչ դատարանի դատավորներ, փաստաբաններ:
Ուշագրավ է, որ հեղափոխությունից հետո Սամվել Դիլոյանը փորձել է հասնել արդարության և վերանայել իր ակնհայտ ապօրինի դատավճիռը:
Եվ գիտեք ի՞նչ է կատարվել: Նոր Հայաստանում, Սամվել Դիլոյանին գիշերով, գողեգող տեղափոխել են Կիրովականի ՔԿՀ-ից Գորիս ՔԿՀ:
45 օր տեղաբաշխել կարցերում և պահանջել, որ հրաժարվի գործը վերաբացելու մտքից: Կրկնում եմ, այս ամենը Նոր Հայաստանում, հեղափոխության հաղթանակից հետո: Սամվել Դիլոյանը եղել է դասախոս, ամբիոնի վարիչ, գիտությունների թեկնածու,Վանաձորի ավագանու անդամ, ունեցել է լուրջ էլեկտորատ և հրաժարվել է ծառայել ՀՀԿ-ին: Այս հրաժարումը արժեցավ նրա համար կյանքից խլված 7 տարուն:
Որից երկուսը նրանից խլեց թավշյա հեղափոխությունը, իր թավիշով: Որովհետև նոր իշխանությունը այդպես էլ չհասկացավ մի պարզ ճշմարտություն: Ազգադավ ռեժիմին ծառայածը երբեք չի կարող ուղղվել, ապաշխարհել և ինքնամաքրվել, այլ կերպ ասած, թուրքը երբեք հային բարեկամ լինել չի կարող:
Ամփոփեմ ՝
Սամվել Դիլոյանի գործը վերաբացելու ենք, բոլորը պատասխան են տալու, եթե ոչ օրենքի, ապա Աստծո դատաստանի առաջ:
Եվ ոչ մի թավիշ չի փրկելու այդ դահիճներին:
Իրավապաշտպան Արտակ Գալստյանի ֆեյսբուքյան էջից
Արտակ Գալստյան
