«Ադրբեջանի նախագահը հիշատակում է երբեմնի ծաղկուն, ամբողջական հայկական, 5 հազար բնակչություն ունեցող Մարաղա բնակավայրը, որի բնակչությունը 1992թ. ոչնչացվել է Ադրբեջանի զինված ուժերի կողմից: Իսկ բնակավայրը շարունակում է մնալ Ադրբեջանի օկուպացիայի տակ: Այժմ Ադրբեջանի նախագահն ի լուր աշխարհի նշում է, որ այդ բնակավայրը վերակառուցվել է և բնակեցվել է ադրբեջանցիներով»,- ասաց ԱԳՆ մամուլի խոսնակ Աննա Նաղդալյանը՝ անդրադառնալով Ադրբեջանի նախագահ Իլհամ Ալիևի՝ օրերս արած հայտարարությանը:
Ըստ Ա. Նաղդալյանի՝ հատկանշական է, որ Ադրբեջանի նախագահն այդ հայտարարությունն անում է Լեռնային Ղարաբաղի հիմնախնդրի կարգավորման ադրբեջանական համատեքստում և ներկայացնում որպես լավագույն տարբերակ և տեսլական: Իսկ այդ տեսլականը ցույց է տալիս, որ Ալիևը ցանկանում է Արցախը՝ առանց իր բնիկ բնակչության:
Ըստ ԱԳՆ մամուլի խոսնակի՝ Մարաղայի տարբերակի խրախուսումը բացահայտում է Ադրբեջանի ղեկավարության իրական մտադրությունը՝ ժողովուրդներին նախապատրաստել ոչ թե խաղաղության, այլ բռնության:
«ՀՀ-ն երբևք թույլ չի տա Արցախում նոր վայրագություններ, ցեղասպան նոր գործողություններ»:
