ՀՀ վարչապետը՝ Հայաստանի ռազմավարական նպատակադրումների մասին

ՀՀ վարչապետ Նիկոլ Փաշինյանը սոցկայքի իր էջում գրառում է կատարել.

«Մինչև 2050 թվականը Հայաստանի ռազմավարական նպատակադրումները (նախագիծ)

— Հայաստանի բնակչությունը հասցնել առնվազն 5 միլիոն մարդու:

— Ստեղծել 1 միլիոն 500 հազար աշխատատեղ, ապահովել առնվազն 2.5 միլիոն մարդու զբաղվածությունը և վերացնել աղքատությունը:

— Հայաստանը դարձնել արդյունաբերական երկիր, 15-ապատկել Հայաստանի Համախառն Ներքին Արդյունքը:

— Ունենալ 10 մլրդ դոլար արժեքը գերազանցող առնվազն 5 տեխնոլոգիական ընկերություն և 10 հազար աշխատող սթարտափ:

— Յոթնապատկել միջին աշխատավարձը:

— Բանակի մարտունակության ցուցանիշով տեղ զբաղեցրել աշխարհի առաջատար երկրների առնվազն առաջին 20-յակում:

— Ունենալ աշխարհի 10 ամենաարդյունավետ հետախուզական ծառայություններից մեկը:

— Ապահովել առողջապահական ծառայությունների 100 տոկոսանոց հասանելիություն, 20-ապատկել առողջապահության ֆինանսավորումը:

— Կրթությունը դարձնել ազգային ապրելակերպ, 20-ապատկել կրթության և գիտության ֆինանսավորումը:

— Հայաստան այցելող զբոսաշրջկների թիվը հասցնել 15 միլիոնի:

— Ֆուտբոլի հավաքականը դարձնել Եվրոպայի եւ/կամ աշխարհի առաջնության մեդալակիր, նվաճել 25 օլիմպիական ոսկե մեդալ և շախմատի աշխարհի անհատական չեմպիոնի կոչումը:

Արցախը Հայաստան է և վերջ»: