Հայաստանի ՊՆ-ն հերքում է ադրբեջանական կողմի հերթական ապատեղեկատվությունը:
ՊՆ-ի տարածած հաղորդագրության մեջ ասվում է. «ՀՀ պաշտպանության նախարարությունը հայտարարում է, որ հուլիսի 10-ին ադրբեջանական որոշ լրատվամիջոցների տարածած տեղեկատվությունը, թե ՀՀ ԶՈՒ ստորաբաժանումները Չինարի եւ Մովսես գյուղերի մերձակայքում տեղակայված դիրքերից կրակոցներ են արձակել ԱՀ Ալիբեյլի բնակավայրի ուղղությամբ, ինչի հետեւանքով վնասվել է գյուղատնտեսական տեխնիկա, իրականությանը չի համապատասխանում եւ ադրբեջանական կողմի հերթական ապատեղեկատվությունն է»:
