«Հրապարակ» թերթը գրում է. «Կառավարության գործունեության մեկ տարվա առթիվ հրավիրած մամուլի ասուլիսին Նիկոլ Փաշինյանը հայտնեց, որ նախկին բարձրաստիճան պաշտոնյաներից մեկը Երևանի կենտրոնում ունի 250 անշարժ գույք, որոնց մի մասը համայնքային նշանակության փակված մանկապարտեզների տարածքներ են։
Մեր տեղեկություններով, խոսքը Երևանի նախկին քաղաքապետ Գագիկ Բեգլարյանի մասին է, նա գույքի սեփականատեր է դարձել Կենտրոնի թաղապետ և քաղաքապետ աշխատելու ժամանակահատվածում։
Մեր տեղեկություններով, շուրջ մեկ ամիս է՝ իրավապահ կառույցներում Բեգլարյանի և նրան փոխկապակցված անձանց պատկանող անշարժ գույքի ձեռքբերման հետ կապված հետաքննություն է ընթանում․ պարզում են դրանց ձեռքբերման օրինականությունը, սակայն դեռևս գործ չի հարուցվել, Բեգլարյանն էլ չի առնչվել իրավապահ մարմիններին»:
Առավել մանրամասն՝ թերթի այսօրվա համարում:
