Պաշտոնը դադարեցնելու ժամանակ՝ 2018 թվականին, Երևանի քաղաքապետ Տարոն Մարգարյանը հայտարարգրել է 8 միավոր անշարժ գույք՝ 2 բնակարան՝ բազմահարկ շենքում, անհատական բնակելի տունը` իր տնտեսական շինություններով, այգետնակը (ամառանոցը), հասարակական և արտադրական նշանակության մեկական շինություն, 2 ավտոտնակ:
Նախկին քաղաքապետը հայտարարագրել է նաև մեկ՝ MERCEDES-BENZ S 450 մակնիշի ավտոմեքենա:
2018-ին Տարոն Մարգարյանի դրամական միջոցները կազմել են 200 մլն դրամ, 45 հազար դոլար, 50 հազար եվրո, իսկ եկամուտը եղել է աշխատավարձը, որ 2018 թ.-ին կազմել է 2մլն. 973 հազար դրամ:
Նախկին քաղաքապետը չունի հանձնած փոխառություններ, զրոյական է նաև արժեթղթերի և ներդրումների բաժինը:
Ուշագրավ է նաև այն, որ Տարոն Մարգարյանը չունի նաև ութ միլիոն դրամը գերազանցող կամ դրան համարժեք արտարժույթից ավելի արժեք ունեցող թանկարժեք գույք: Համենայն դեպս հայտարարագրի այդ բաժնում ոչինչ նշված չէ:
Հիշեցնենք, որ Տարոն Մարգարյանը Երևանի քաղաքապետ է եղել 2011-2018 թթ-ին:
ArmLife.am
