Ազգային ժողովում քննարկվում է Իրանից ներկրվող ցեմենտի վրա հավելյալ տուրքեր սահմանելու հարցը, որով առաջարկվում է իրանական ցեմենտի գինը բարձրացնել այնքան, որ հայկական արտադրողները մրցունակ լինեն դրա հետ։
Հարցի առնչությամբ «Բարգավաճ Հայաստան» խմբակցության պատգամավոր Միքայել Մելքումյանն ասաց. «Ցեմենտի վրա տուրք դնելը ճիշտ է, պետք է նաև կլինկերի վրա տուրք դնել և դուք դնելու ենք, որովհետև ցեմենտ արտադրողների փոշիացումը չի բխում մեր ազգային պետական շահերից: Որևէ մեկը թույլ չի տվել, որ խորհրդային տարիներից մեր ազգային հարստություն հանդիսացող գործարանները փոշիացվեն»:
