Հայաստանում Ղազախստանի դեսպան Թիմուր Ուրազաևը պարզաբանում է ներկայացրել Ռոբերտ Քոչարյանին ուղարկված Նուրսուլթան Նազարբաևի նամակի մասով:
Նա մասնավորապես հայտնել է, որ շնորհակալական նամակներ Նազարբաևն ուղարկել է Հայաստանի բոլոր երեք նախագահներին՝ Լևոն Տեր-Պետրոսյանին, Ռոբերտ Քոչարյաին և Սերժ Սարգսյանին: Նամակներն ուղարկվել են նախագահի պաշտոնում համատեղ աշխատանքի համար: Նազարբաևն իր գոհունակությունն է հայտնել միջպետական համագործակցության արդյունքների մասով:
Նման բովանդակությամբ նամակներ ուղարկվել են բոլոր այն երկրների նախագահներին, որոնց հետ Նազարբաևն աշխատել է նախագահի պաշտոնը զբաղեցրած տարիներին:
