Զարթոնքի բնակիչներից մեկը նկարահանել է լուսադեմին գյուղում տեղի ունեցած միջադեպը. տեսանյութը տարածվել է համացանցում:
Հիշեցնենք, որ գյուղացիները տևական ժամանակ է՝ ինչ պահանջում են գյուղապետ Պարույր Սարգսյանի հրաժարականը:
Այսօր առավոտյան գյուղացիների և գյուղապետ Պարույր Սարգսյանի կողմնակիցների միջև ծեծկռտուք էր տեղի ունեցել, հնչել էին կրակոցներ: Ըստ ականատեսների՝ գյուղացիների ուղղությամբ կրակել էր գյուղապետի թոռը: Ծեծկռտուքի հետևանքով 5 տուժածից 4-ը դուրս են գրվել Արմավիր բժշկական կենտրոնից, միայն մեկի վիճակն է գնահատվում կայուն ծանր, սակայն կյանքին վտանգ չի սպառնում։
Նշենք, որ միջադեպի առիթով քրեական գործ է հարուցվել, ձեռնարկված գործողությունների արդյունքում խուլիգանություն կատարելու կասկածանքով երկու անձ ձերբակալվել է:
