Իննսուն տարեկանում կյանքից հեռացել է Գերմանիայի կանցլեր Անգելա Մերկելի մայրը: Հերլինդ Կասները մահացել է ապրիլի սկզբին, հայտնում է korrespondent.net-ը՝ Գերմանիայի կառավարության ներկայացուցչին հղումով:
«Մենք խնդրում ենք հարգել կանցլերի ու նրա ընտանիքի անձնական կյանքը»,-հայտնել է գործակալության զրուցակիցը:
Կասները ծնվել է 1930 թվականին, Գդանսկում: Նա եղել է անգլերենի և լատիներենի ուսուցչուհի:
Մերկելի հայրը՝ Հորստ Կասները, մահացել է 2011 թվականին, 85 տարեկանում: Նա բողոքական եկեղեցու հոգևոր հովիվ է եղել:
Կանցլերն ունի կրտսեր եղբայր, որը ֆիզիկայի դասախոս է, և քույր, որը հոգեթերապևտ է:
