Համացանցում լուր է տարածվել, թե Մարտին Մկրտչյանն ու Հռիփսիմե Հակոբյանը Հայաստանում վաճառել են ամեն ինչ եւ մշտական բնակության մեկնել Միացյալ Նահանգներ: Այս շրջանում Լոս Անջելեսում գտնվող երգչուհուց հետաքրքրվել ենք` որքանով է լուրը համապատասխանում իրականությանը:
Հռիփսիմեն BRAVO.am-ին ասել է, որ հայրենիքից հեռանալու մտադրություն չունեն. «Այսօր մենահամերգս է եթեր գնացել: Անսահման մեծ էներգիա եմ ստացել իմ հանդիսատեսից, շնորհավորանքներն անթիվ-անհամար են, եւ չեմ ցանկանա օրս փչացնել նման չարությանն անդրադառնալով: Միայն կասեմ, որ բացարձակ ապատեղեկատվություն է, սուտ»,-նշել է նա:
