ՀՀ ԴԱՀԿ ծառայության նախկին պետ Միհրան Պողոսյանը Պանամայում գրանցած օֆշորային ընկերությունների վերաբերյալ հարուցված քրեական գործով հրավիրվել է Հատուկ քննչական ծառայություն: Այս մասին SHANTNEWS.am-ի հետ զրույցում հայտնեց ՀՔԾ մամուլի խոսնակ Մարինա Օհանջանյանը:
Նա տեղեկացրեց, որ Պողոսյանը հարցաքննության չի ներկայացել, տեղեկացրել է, որ արտերկրում է և առաջարկել է իրեն հարցաքննել տեսակապի միջոցով:
ՀՔԾ խոսնակը հայտնեց, որ օրենքով այդպիսի ընթացակարգ նախատեսված չէ, ուստի Պողոսյանի առաջարկը մերժվել է, իսկ վարույթն իրականացնող մարմինը նրան կրկին հրավիրել է հարցաքննության:
