Արեշի «Բաղնիքի Արման» մականունով հայտնի Արման Ապիյանի ուղղությամբ կրակոցներ արձակելու գործով ձերբակալված քրեական հեղինակություն Պոնտյո մականունով հայտնի Պետրոս Հարությունյանը քիչ առաջ 10 միլիոն դրամ գրավի դիմաց ազատ է արձակվել:
Այս մասին մեր զրույցում ասաց Հարությունյանի պաշտպան Էրիկ Ալեքսանյանը. նա ասաց, որ դատարանն այսպիսով բավարարել է պաշտպանական կողմի միջնորդությունը եւ գրավի կիրառումը ճանաչել թույլատրելի:
Պետրոս Հարությունյանը մեղադրվում է ՀՀ քրեական օրենսգքրի 112 հոդվածի 1-ին մասով (դիտավորությամբ առողջությանը ծանր վնաս պատճառելը) եւ ՀՀ ՔՕ 235 հոդվածով (ապօրինի կերպով զենք-զինամթերք ձեռք բերելը, կրելը կամ փոխադրելը): Առաջադրված մեղադրանքում Հարությունյանն իրեն մեղավոր չի ճանաչում:
Նշված դեպքը տեղի էր ունեցել 2018 թվականի դեկտեմբերի 4-ին. այդ օրը Պոնտյոն իր երկու եղբայրների՝ Հակոբ եւ Գեւորգ Հարությունյանների հետ այդ օրը մտել էր «Բաղնիքի» աշխատասենյակ, վիճաբանել տնօրենի՝ «Բաղնիքի Արմանի» եւ նրա հետ գտնվող երիտասարդի հետ, արձակել կրակոցներ: Կրակոցների հետեւանքով հրազենային վնասվածքներ էին ստացել «Բաղնիքի Արմանն» ու երիտասարդը: Նույն ժամանակ կտրող-ծակող վնասվածքներ է ստացել նաեւ Պոնտյոյի եղբայրը՝ Գեւորգ Հարությունյանը:
Քրեական հեղինակություն Պոնտյոյի նկատմամբ հետախուզում էր հայտարարվել եւ նրան կալանավորելու որոշում էր կայացվել: Իրավապահները նրան հայտնաբերել են նախօերին:
