Եթե Հայաստանում հինգ տարվա ընթացքում ծխախոտի գինը մի քանի անգամ բարձրանա, ծխողները կկազմեն հանրության 32 տոկոսը, կանպխատեսում է ԱՆ նախարար Արսեն Թորոսյանը:
«Սա ապացուցված ա, էդ ես չեմ հորինել»,- Ազգային ժողովի Մարդու իրավունքների պաշտպանության և հանրային հարցերի մշտական հանձնաժողովում այսօր կազմակերպված քննարկմանը ժամանակ ասաց նա: ըստ նրա՝ ազդող գործոններ են նաև վայրերում սահմանափակումները և ծխախոտի տուփի վրա հիվանդությունների նկարներ դնելը:
Ըստ նրա՝ զարգացած երկրներում ծխախոտ գնելու համար մեծ ջանքեր են պահանջվում, ամեն տեղ չի վաճառվում, թանկ է, ինչն էլ ստիպում է շատերին հրաժարվել ծխելուց:
Իսկ Հայաստանը, Թորոսյանի ձևակերպմամբ՝ ծխախոտային դրախտ է․ — «Չնայած ես տենց երկիր չգիտեմ, որ ավելի էժան ա, քան Հայաստանում: Օրինակ, ոնց են Հայաստանից չամադաններով սիգարետ տանում Ռուսաստան, նույնիսկ Վրաստան․․․ Որովհետև Վրաստանում էլ է ավելի թանկ»:
Ծխողներն իրենց ծխելու իրավունքը փորձեցին պաշտպանել, սակայն մարդու իրավունքների պաշտպանության հանձնաժողովի անդամները տեղում կանխեցին՝ ծխողի իրավունք հասկացություն չկա:
Ծխախոտի թանկացմամբ հնարավոր կլինի կանխարգելել տարեկան 88 հազար վաղաժամ մահ:
Ի դեպ, ArmLife.am-ը կազմակերպել է օնլայն քվեարկություն՝ «Արդյունավետ միջոց է ծխախոտի թանկացմամբ պայքարել ծխելու դեմ» թեմայով: Քվեարկությանը կարող եք մասնակցել այստեղ:
