Գրող, քաղաքական վերլուծաբան Արծրուն Պեպանյանը ֆեյսբուքյան իր էջում հետևյալ գարառումն է արել.
«100 տղամարդ պատգամավորից 39-ը չի ծառայել բանակում…պատերազմի մեջ գտնվող երկրում»
Իսկ փաստաբան Մուշեղ Շուշանյանը ֆեյսբուքյան իր էջում գրել է, որ զինվորական ծառայություն չանցածին անթույլատրելի է վստահել ժողովրդի համար պատասխանատվություն:
«Կասկած չունեմ, որ իրապես ինքնիշխան վաղվա Հայաստանում օրենսդրորեն կամրագրվի, որ պարտադիր զինվորական ծառայություն չանցած որևէ մեկը, անկախ պատճառից, չի կարող զբաղեցնել պետական պաշտոն (ներառյալ՝ ընտրովի)։ Գիտությամբ զբաղվողների համար տարկետման իրավունքը պետք է գործի, բայց նրանք պետք է իմանան նաև, որ չծառայելու դեպքում չեն կարող հավակնել ժողովրդի ծառայի կարգավիճակին։ Փոխարենը ժողովրդին ծառայելու իրենց մղումը կարող են բավարարել գիտության զարգացման տիրույթում։ Թե չէ ծանոթանում ես վիճակագրությանը՝ 10 տղամարդ պատգամավորից 4-ը չի ծառայել (էլ առավել խայտառակ պատկեր է կառավարությունում)։ Զինվորական ծառայություն չանցածին անթույլատրելի է վստահել ժողովրդի համար պատասխանատվություն, որովհետև թեկուզ ամենավեհ գաղափարի համար էլ զինվորական ծառայության պարտականությունը չկատարածը չի անցել պատասխանատվություն ստանձնելու ունակության քննությունը։ Իսրայելի օրինակին այլընտրանք մենք չունենք»։
