«Շնորհավորում եմ ձեզ՝ վերջին տասնամյակների ընթացքում ազատ և արդար ընտրությունների կապակցությամբ»,- քիչ առաջ լրագրողներին հայտարարեց «Իմ քայլը» դաշինքի քաղաքապետի թեկնածու Հայկ Մարությանը՝ հորդորելով թույլ տալ իրեն քվեարկել և հետո պատասխանել հարցերին։
Իր մի փոքր ուշացումը Հ.Մարությանը բացատրեց նրանով, որ ոտքով է եկել ընտրատեղամաս, և ճանապարհին քաղաքացիները կանգնեցրել են իրեն ու զրուցել։
Մարությանը հերքեց շրջանառվող լուրերը, թե վաճառել է Հյուսիսային պողոտայում իր բնակարանը։
