ՀՀ Առողջապահության նախարարության ֆեյսբուքյան պաշտոնական էջում տեղեկություն է հաղորդվում երեկ՝ Հանրապետության հրապարակում՝ կառավարության շենքի մոտ, ինքնահրկիզում իրականացրած տղամարդու մասին, որտեղ, մասնավորապես, ասվում է․ «Ինքնահրկիզման դիմած քաղաքացու վիճակը մնում է ծայրահեղ ծանր։ Հանրապետության հրապարակում՝ կառավարության շենքի գլխավոր մուտքի դիմաց, սեպտեմբերի 9-ին ինքնահրկիզման դիմած քաղաքացու վիճակը շարունակում է մնալ ծայրահեղ ծանր:
49-ամյա Ա. Պ-ն ունի մարմնի՝ շուրջ 57% և շնչառական ուղիների՝ 20% լուրջ այրվածքներ` 2-րդ, 3-րդ և 4-րդ աստիճանի, և խորը վերքեր: Միացված է արհեստական շնչառության սարք:
Ճառագայթային բժշկության և այրվածքների հանրապետական գիտական կենտրոնում բժիշկները պայքարում են քաղաքացու կյանքը փրկելու համար»։
