Կառավարության օգոստոսի 23-ի նիստում՝ Սևանա լճից լրացուցիչ ջրառ իրականացնելու վերաբերյալ օրենքի նախագծի քննարկման ժամանակ, ՀՀ վարչապետ Նիկոլ Փաշինյանը նշեց, որ բոլորովին վերջերս տեղեկացել է մի խնդրի մասին, այն է՝ Հայաստանում կա ստվերային գյուղատնտեսություն, կան այգիներ, որոնք գրանցված չեն, որ տուրքերի և այլնի խնդիրներ չառաջանան։
«Մենք նայում ենք՝ այսքան այգի կա, այսքան ջուր է հարկավոր, բայց գալիս է գումարը՝ իքս քանակ, ասում ենք՝ բայց այսքա՞ն, ասում են՝ եթե ջուրը չլինի, աղետ կլինի, հետո արդեն գալիս են, ասում են՝ գիտեք, այսպիսի այգիներ կան։ Բացի այդ, շատ են խոսում, որ ջրային ոլորտում կան չարաշահումներ։ Սիրելի՛ հայրենակիցներ, աջակցեք, որ մենք գտնենք այդ չարաշահողներին, կառավարությունը որևէ խոչընդոտ չունի՝ այդ բոլոր չարաշահումները վերացնելու, ես երեք ամիս վարչապետ լինելուց հետո նոր իմացա, որ Հայաստանում կան գաղտնի այգիներ»,- ասաց նա։
