Ինչու է առաջանում առատ քրտնարտադրություն և ինչպես պայքարել դրա դեմ

Ըստ վիճակագրության,  երկրագնդի բնակչության 3%-ը  տառապում է առատ քրտնարտադրությամբ և հաճախակի այդ խնդիրը մարդու համար դառնում է  կրիտիկական:

Ամռան  գալու հետ զուգահեռ, քրտնարտադրության խնդիրը կրկին սրանում է: Միշտ չէ, որ առատ քրտնարտադրությունը  հանդիսանում է վատ հիգիենայի հետևանք, հաճախակի առատ քրտնարտադրությունը (հատկապես գիշերայինը  հանդիսանում է հիպերհիդրոզի հետևանք) վկայում է այն մասին, որ օրգանիզմում զարգանում է բավականին լուրջ պաթոլոգիա:

Ամեն ինչ նյարդերից է

Հիպերհիդրոզի զարգացման հիմնական պատճառների շարքում  նշվում է փսիխոգեն գործոնը: Անհանգստության, վախի, ընկճվածության դեպքում մարմնի տարբեր հատվածներ, օրինակ ձեռքի ափերը, թևատակերն ու մեջքը  սկսում են արագ քրտնել:

Այս դեպքում   մասնագետները նշում են, որ խնդիրը  դյուրագրգիռ նյարդային համակարգի մեջ է: Ուստի այդ վիճակից դուրս գալու համար հարկավոր է  դիմել հոգեթերապևտի կամ նյարդաբանի: Խթանող  գործոնների հայտնաբերումից հետո, մասնագետները միանշանակ կնշանակեն  հանգստացնող դեղամիջոցներ ու խոտաբույսեր, իսկ որոշ դեպքերում անգամ հոգեթևրապիայի սիանսներ:

Որպես կոսմետիկ միջոցներ կարող եք օգտագործել  չորացնող լոսյոններ ու հեղուկ տալկ:

Նյարդային համակարգի հետ կապված երկարատև խնդիրները ևս կարող են դառնալ առատ քրտնարտադրության պատճառ: Անոթների  ջղակծկումների հետևանքով կարող  է  խախտվել  ջերմափոխանակությունն ու փոխվել  շրջակա ջերմաստիճանի  ընկալունակությունը: Այս դեպքում  կարող է օգնել նյարդաբանը:

Բացի այդ, հարկավոր է  սննդակարգից հանել այն մթերքները, որոնք կարող են հավելյալ քրտնարտադրության պատճառ դառնալ. դրանք են սուրճը, կծու ուտեստները, մեղրը, ալկոհոլն ու համեմունքները:

Մարմնի ավելորդ քաշը ևս մեկ պատճառ է , որը հանգեցնում է հիպերհիդրոզի: Գեր մարդիկ ավելի շատ են քրտնում, քանի որ մաշկի տակ առկա հաստ ճարպաշերտը խանգարում  ջերմափոխանակմանը   և այս դեպքում օգնում է միայն նիհարելը:

Բացի այդ, հարկավոր է  հաճախակի ընդունել ցնցուղ, օգտագործել հակաքրտինքային միջոցներ  ու  ընդունել կաղնու կեղևով վանաններ:

Հորմոնալ տատանումներ

Հորմոնալ տատանումները ևս հաճախակի դառնում են հիպերհիդրոզի առաջացման պատճառ: Առավել հաճախ նման խնդիր նկատվում է դեռահասների մոտ՝ հորմոնալ տատանումների շրջանում, ինչպես նաև կանանց մոտ՝ դաշտանդադարի  շրջանում, ասինքն դիսբալանսի հետևանքով նկատվում է ջերմակարգավորման խանգարումներ:

Ընդ որում տարբեր տարիքային խմբերում գտնվող մարդկանց մոտ կարող են նկատվել նույն ախտանշանները՝ առատ քրտնարտադրություն ու ջերմության  զգացողության առաջացում:

Դեռահասներին խորհուրդ է տրվում մի փոքր համբերել ու այդ ամենի հետ զուգահեռ հետևել հիգիենայի կանոններին:

Իսկ ահա  այն կանանց, ում մոտ այդ խնդիրն առաջացել է դաշտանդադարի հետևանքով , խորհուրդ է տրվում դիմել բժշկի ու  ընդունել նրանց կողմից նշանակված հատուկ դեղամիջոցներ:

Ինչ վերաբերվում է հղիներին, ապա նրանց մոտ առատ քրտնարտադրություն նկատվում է 1-ին եռամսյակին, երբ տեղի է ունենում օրգանիզմի ամենակտիվ հորմոնալ փոփոխությունը:

Բացի այդ, ազդում է նաև  մարմնի ծավալի արագ ավելացումը, որը ևս հանդիսանում է ջերմակարգավորման ռեժիմի խանգարման պատճառ:

Շատ կարևոր պատճառ է հանդիսանում նաև վահանգեղձի աշխատանքի հետ կապված խնդիրների առաջացումը: Որոշ հիվանդությունների դեպքում  բարձրանում է  վահանագեղձի հորմոնների մակարդակը, որի պատճառով էլ արագանում է  նյութափոխանակությունը: Արդյունքում այդ ամենն առաջացնում է ջերմության զգացողություն անգամ ցուրտ եղանակին: Այդ խնդրի կարգավորման համար հարկավոր է  դիմել էնդոկրինոլոգի:

Ինչպես կրճատել քրտնարտադրությունը

1. Քրտնարտադրության դեմ պայքարելու հարցում առաջին տեղը  զբաղեցնում  են  հակաքրտինքային միջոցները:  Հայտնի է, որ դեզոդորանտ-հակաքրտինքային միջոցները  փակում են  քրտնագեղձերին 40 %-ը: Եվ դա հաճախակի օգնում է  լիարժեք հաղթահարել   տեսանելի քրտնարտադրության խնդիրը: Իսկ եթե անտիպերսպիրանտը չի օգնում, ապա տվյալ դեպքում հարկավոր է  մտածել ավելի կտրուկ միջոցների մասին:

2.Ընդհանուր առմաբ հիպերհիդրոզի բուժումը ենթադրում է  բնական գործվածքներից հագուստների կրում, քրոնիկ հիվանդություններից  ազատվել, բժշկի կողմից նշանակված հանգստացնող դեղամիջոցների ու կալցիումի  ընդունում: Ձեռքերի, թևատակերի ու ոտնաթաթերի քրտնարտադրության կրճատման համար, կարելի է մաշկը մշակել ֆորմալինի  թույլ լուծույթով և այլն: Ցավոք սրտի այս բոլոր միջոցները երկարատև օգտագործման արդյունքում կարող են դառնալ գրգռվածության ու ալերգիկ մաշկաբորբի պատճառ: Բացի այդ նրանց ազդեցությունը կարճաժամկետ է։

3. Եթե ոչ մի կերպ չեք կարողանում լուծել այդ խնդիրը, ապա կարող եք կիրառել վիրահատական տարբերակը, որի ժամանակ կատարվում է  շատ քրտնագեղձեր պարունակող մաշկի հատվածի հեռացում: Սակայն նման միջամտության ժամանակ հաճախակի առաջանում են  թևատակերում կոպիտ սպիներ կամ այլ խնդիրներ:

4. Վերջին շրջանում,  հիպերհիդրոզի բուժման համար  ակտիվորեն օգտագործում են ներանկման դեղամիջոցներ՝ բոտոքս ու դիսպորտ: Այդ միջոցներն արգելակում են մանր նյարդային վերջույթների աշխատանքն ու այդ կերպ խախտում քրտնարտադրության կարգավորումը:  Այս մեթոդի ակնհայտ առավելությունը կայանում է մանիպուլյացիայի  թեթևության ու անվտանգության մեջ(ընդամենը մի քանի ներարկում և արդյունքը տեսանելի է լինում մի քանի օրից):  Նշված դեղամիջոցների ազդեցության տևողությունը պահպանվում է միջինում 3-9 ամիս:

Շատ կարևոր է հիպերհիդրոզի կանխարգելումը՝ հիվանդության ժամանակին հայտնաբերումն ու բուժումը, առատ քրտնարտադրության խթանիչ միջոցների զարգացման կանխումը, անձնական հիգիենայի կանոններին  ու խմելու ռեժիմին հետևելը: Այս պարզ կանոնները կօգնեն նվազեցնել առատ քրտնարտադրության առաջացման ռիսկը: