Ինչպես արդեն հայտնի է Ռոբերտ Քոչարյանը դատարանի որոշմամբ կալանավորվեց:
Նման որոշում կայացրեց դատավոր Վաչե Մարգարյանը՝ բավարարելով նախաքննական մարմնի միջնորդությունը:
Մինչ այդ դատարանը շուրջ 7 ժամ քննում էր Քոչարյանին կալանավորելու նախաքննական մարմնի միջնորդությունը, որին մասնակցում էր նաեւ ինքը Քոչարյանը:
Հատուկ քննչական ծառայությունում քննվող Մարտի 1-ի գործով երեկ Ռոբերտ Քոչարյանին մեղադրանք է առաջադրվել ՀՀ Քրեական օրենսգրքի 301.1 հոդվածի 1-ին մասով՝ այն բանի համար, որ նա այլ անձանց հետ նախնական համաձայնությամբ 2008 թվականի Մարտի 1-ին տապալել է Հայաստանի Հանրապետության սահմանադրական կարգը:
Մի փոքր՝ դատավոր Վաչե Մարգարյանի մասին․․․1999 թվականին ավարտել է ԵՊՀ իրավաբանական ֆակուլտետը, իսկ 2012 թվականին՝ՀՀ պետական կառավարման ակադեմիայի մագիստրատուրան:
2002 թվականից մինչև 2007 թվականն աշխատել է ՀՀ Կոտայքի մարզի ընդհանուր իրավասության առաջին ատյանի դատարանում` որպես դատավորի օգնական:
2007 թվականից մինչև 2008 թվականն աշխատել է ՀՀ դատական դեպարտամենտի պրակտիկայի ամփոփման վարչությունում` որպես ավագ մասնագետ:
2008 թվականից մինչև 2015 թվականն աշխատել է Երևանի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարանի աշխատակազմի ղեկավար:
2015 թվականի փետրվար ամսից մինչև դեկտեմբեր ամիսը հանդիսացել է ՀՀ արդարադատության ակադեմիայի ունկնդիր:
2016 թվականից մինչև 2017 թվականն աշխատել է ՀՀ դատական դեպարտամենտի ղեկավարի խորհրդական:
ՀՀ Նախագահի 2017 թվականի մարտի 10-ի հրամանագրով նշանակվել է Երևան քաղաքի Շենգավիթ վարչական շրջանի ընդհանուր իրավասության առաջին ատյանի դատարանի դատավոր:
ՀՀ ԱԺ կողմից 2017 թվականի դեկտեմբերի 21-ի թիվ ՀՕ-34-Ն օրենքի համաձայն շարունակում է պաշտոնավարել Երևան քաղաքի ընդհանուր իրավասության դատարանի դատավորի պաշտոնում:
