«Ժողովուրդ» թերթը գրում է. «Սերժ Սարգսյանի եբորորդու՝ Նարեկ Սարգսյանի դեմ մարդ առեւանգելու եւ բռնության ենթարկելու քրեական գործով նոր մանրամասներ են ի հայտ գալիս: «Ժողովուրդ» օրաթերթին հայտնի դարձավ, որ 49-ամյա Արամը, ում առեւանգել ու բռնության են ենթարկել Նարեկ Սարգսյանի թիկնապահ Արտեմ Պետրոսյանի հետ համատեղ բիզնես է ունեցել:
Որոշ ժամանակ անց Արամը դիմել է Արտեմ Պետրոսյանին եւ հայտնել, որ չի ցանկանում իր հետ համատեղ աշխատել, քանի որ կա այլ մարդ, որի հետ նա ցանկանում է ստեղծել նոր բիզնես:
Դրանից հետո էլ տեղի է ունեցել միջադեպը. Արամին առեւանգել են, սկզբում խոշտանգել Նարեկ Սարգսյանի տան նկուղում, հետո՝ «Սկանյա» բեռնատարների սպասարկման վարչական շենքում:
Հիշեցնենք՝ Արտեմ Պետրոսյանը հիմա կալանավորված է, իսկ Նարեկ Սարգսյանին հայտարարվել է հետախուզում»:
Մանրամասը՝ թերթի այսօրվա համարում:
