Ադրբեջանական լրատվամիջոցները լուսանկար են հրապարակել և պնդում են, որ լուսանկարում գերեվարված հայ հետախույզ է, որին բռնել են այսօր առավոտյան՝ հայ-ադրբեջանական սահմանի Ղազախի հատվածում։
Ադրբեջանական լրատվամիջոցները նշել են նրա անձնական տվյալները՝ 1984 թ. ծնված Կարեն Ղազարյան:
ՀՀ պաշտպանության նախարարի մամուլի քարտուղար Արծրուն Հովհաննիսյանը ֆեյսբուքյան իր էջում պարզաբանել է՝ ՀՀ ՊՆ-ը պաշտոնապես հայտարարում է, որ Տավուշի Բերդավան գյուղի բնակիչ, 1984թ, ծնված Կարեն Ղազարյանը չի ծառայում և երբեք չի ծառայել ՀՀ ԶՈւ-երում. «Միաժամանակ նշենք, որ ՀՀ պաշտպանության նախարար Դավիթ Տոնոյանը, հանդիսանալով Գերիների պատանդների և անհայտ կորածների միջգերատեսչական հանձնաժողովի նախագահ, դիմել է ԿԽՄԿ Երևանյան գրասենյակ՝ ՀՀ քաղաքացի Կարեն Ղազարյանի վերադարձի կազմակերպման համար։ Նշենք նաև, որ ԿԽՄԿ Երևանյան գրասենյակը զգուշացված է Կարեն Ղազարյանի առողջական խնդիրների վերաբերյալ»,-գրել է Արծրուն Հովհաննիսյանը:
