Միացյալ Նահանգները կոչ Է անում Թուրքիային ժողովրդավարության ամրապնդման քայլեր ձեռնարկել երկրում, ինչպես նաեւ նպաստել Վաշինգտոնի եւ Անկարայի միջեւ գոյություն ունեցող տարաձայնությունների լուծմանը:
Այդ մասին հունիսի 25-ին հայտարարել Է Սպիտակ տան մամուլի քարտուղար Սառա Սանդերսը լրագրողների համար անցկացված բրիֆինգի ժամանակ: Նրա խոսքով՝ ներկայում Սպիտակ տանը պլանավորում են կազմակերպել պետության ղեկավար Դոնալդ Թրամփի հեռախոսազրույցը Թուրքիայի նախագահի պաշտոնում վերընտրված Ռեջեփ Թայիփ Էրդողանի հետ:
«Մենք կոչ ենք անում Թուրքիային քայլեր ձեռնարկել ժողովրդավարության ամրապնդման եւ երկկողմ հարաբերություններում առկա խնդիրների լուծման ուղղությամբ առաջընթացը շարունակելու համար»,- ասել Է Սանդերսը:
