Հռոմի պապը միանձնուհիների համար սոցցանցերից օգտվելու «սթափ և առողջ» կանոններ է հրապարակել: Այդ մասին տեղեկացնում է realist.online-ը:
Պապի հրապարակած փաստաթուղթը կոչվում է «Cor Orans» («Սիրտ, որն աղոթում է»): Այն կոչված է միանձնուհիների կյանքին վերաբերող որոշ կանոններ հստակեցնելուն, կանոններ, որոնք պաշտոնապես հաստատված են 2016 թվականին Հռոմի կաթոլիկ եկեղեցու կողմից:
Կանոնների նպատակը լռության մեջ աստվածայինի մասին մտածելու հնարավորության ընձեռումն է: Փաստաթղթում այսպիսի ձևակերպում կա. «սոցիալական կապեր», Tablet կաթոլիկ լրատվամիջոցը պարզաբանում է, որ խոսքը Facebook-ի, Twitter-ի և այլ սոցցանցերի մասին է:
Կանոնագրքում ասվում է, որ անհրաժեշտ է զգուշորեն մոտենալ մասշտաբային տեղեկատվությանը և կապի միջոցներին, ինչպես նաև հաղորդագրությունների բովանդակությանը:
