Քաղաքացիական ակտիվիստ Դավիթ Սանասարյանը ձերբակալվել է. այս մասին Tert.am-ին նշել է «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը:
Դանիել Իոաննիսյանը նշեց, թե Սանասարյանը երեկ գիշեր ՀՔԾ բերման էր ենթարկվել, որից հետո ձերբակալվել է:
Հիշեցնենք,որ երեկ ՀՔԾ բերման էր ենթարկվել, այնուհետև ձերբակալվել նաև քաղաքագետ, ակտիվիստ Արմեն Գրիգորյանը։
«Զանգվածային անկարգությունների և անօրինական հավաքների վերաբերյալ ՀՀ հատուկ քննչական ծառայությունում քննվող քրեական գործով ձերբակալվել է Ա. Գ.-ն»,- հայտնել էր ՀՔԾ-ն։
Թե ինչ հիմքով Դավիթ Սանասարյանը ձերբակալվել, ՀՔԾ-ից տեղեկություն ստանալ չհաջողվեց:
