«Երեկ հնչած իմ ելույթում՝ այսպես կոչված, Շմայսի բրիգադներ են կազմակերպվել, որի նպատակը Երևանում անկարգություններ, խուլիգանություններ կազմակերպելն է, որպեսզի ոստիկանությունը խաղաղ ցուցարարների նկատմամբ ուժ կիրառի: Եվ ես երեկ, մեր հանրահավաքի ավարտին ասիմ, որ նրանք հիմա հնդկական կինո են նկարահանում Բաղրամյան պողոտայում: Երեկվա կադրերը ուշադիր նայողները տեսան, որ դա հնդկական ամենաանտաղանդ կինոյի ժանրից էր, երբ որ ոստիկանությունը և Շմայսի բրիգադի ներկայացուցիչներիը՝ իրար հետ համագործակցված, անկարգություններ էին կազմակերպում Երևանում»,- հայտարարեց Նիկոլ Փաշինյանն՝ անդրադառնալով կեսգիշերին Երևանում տեղի ունեցած անկարգություններին:
«Ուզում եմ մեկ անգամ ևս արձանագրել՝ որևէ մեկը, ով բռնություն է գործադրում, ով Երևան քաղաքում անկարգություն է կազմակերպում՝ իր գործողությունների ուժով չի կարող որևէ կապ ունենալ մեր շարժման հետ: Այդ մարդիկ մեր շարժման հակառակորդներն են, նրանք ուզում են վարկաբեկեն մեր շարժումը և ուզում են մեր շարժման պարտությունը, բայց կարծում եմ՝ երեկվա բեկումնային իրադարձություններից հետո այլևս մեզ ոչ մի բան չի կանգնեցնի և մեր հաղթանակը անխուսափելի է»,-հայտարարեց Նիկոլ Փաշինյանը:
ArmLIfe.am
