Մարտի 26-ին ՌԴ Սարատովի մարզի Դերգաչևսկի շրջանում ավտովթար է եղել ВАЗ-2110-ի և КамАЗ-ի մասնակցությամբ: «Регион 64»-ի հաղորդմամբ՝ վթարի հետևանքով 2 հայ երիտասարդ է զոհվել:
ВАЗ-2110-ի ղեկին եղել է 1991թ. ծնված Արմեն Ղազարյանը: Նախնական տեղեկությունների համաձայն՝ նա կորցրել է մեքենայի կառավարումն ու դուրս եկել հանդիպակաց գոտի՝ բախվելով բեռնատարին:
Վթարի հետևանքով մահացել է նաև ВАЗ-2110-ի ուղևոր 1990թ. ծնված Սերյոժա Հարությունյանը:
