Ամերիկյան արտադրության «Սև հովազ» ֆիլմը, որը համաշխարհային կինովարձույթում գտնվելու 5 շաբաթվա ընթացքում հավաքել է 1.2 մլրդ դոլար, ճանաչվել է Twitter սոցկայքում ամենաշատ հիշատակված ֆիլմը:
Ինչպես նշում է The Guardian-ը, Marvel Comics-ի ֆիլմը Twitter-ում հիշատակվել է ավելի քան 35 մլն անգամ՝ գերազանցելով «Աստղային պատերազմներ. ուժի զարթոնք» ֆիլմի ռեկորդը:
Ֆիլմի վերաբերյալ թվիթերյան հեշթեգերի շարքում գերիշխում են #BlackPanther-ը, #Wakanda-ն ու #WakandaForever-ը:
Հայտնի է, որ ռեժիսոր Ռայան Քուգլերի ֆիլմում նկարահանվել են Լյուպիտա Նիոնգոն, Անջելա Բասեթը, Ֆորեսթ Ուիթաքերը:
Ըստ ֆիլմի սյուժեի՝ հարյուրամյակներ առաջ հինգ աֆրիկյան ցեղեր կռվում էին երկնաքարի համար, որը պարունակում էր վիբրանիում: Կռվողներից մեկը կուլ է տվել «սրտաձև խոտ» և արդյունքում ստացել գերմարդկային կարողություններ, ուժեր:
