Կանադայի արտգործնախարար Մելանի Ջոլին Իրանում գտնվող Կանադայի քաղաքացիներին կոչ է արել անհապաղ լքել երկրի տարածքը, հաղորդում է РИА Новости-ն։
Ջոլիի խոսքով՝ Իսլամական հեղափոխության պահապանների կորպուսը (ԻՀՊԿ) ահաբեկչական կազմակերպություն ճանաչելու Կանադայի իշխանությունների որոշումից հետո Իրանը կարող է սկսել ձերբակալել Կանադայի քաղաքացիներին: Ուստի Իրանում գտնվող բոլոր կանադացիները պետք է շտապ լքեն երկիրը։
Նա նաև հայտնել է, որ Կանադայի քաղաքացիները պետք է ընդհանրապես հրաժարվեն Իրան ուղևորություններից: Նա ընդգծել է, որ նախկին և ներկա իրանցի պաշտոնյաները, որոնք այժմ գտնվում են Կանադայում, կարող են դառնալ հետաքննությունների ֆիգուրանտներ կամ արտաքսվել երկրից: Մինչ այդ հաղորդվել է, որ Կանադան ԻՀՊԿ-ն (Իրանի զինված ուժերի էլիտար ստորաբաժանումները) ներառել է ահաբեկչական կազմակերպությունների ցուցակում:
