«Էնքան ասեցինք հեծանիվ չես քշում, գնաց հեծանիվ քշելու:Ինչ ունեք էլ ասելու իրեն:Ասե՞ք գնա լողալու», — կատակեց Բագրատ սրբազանը՝ անդրադառնալով կիրակի հեծանիվ վարելու կադրերը տարածած Փաշինյանի մասին:
Բագրատ սրբազանը երեկոյան ամփոփումը սկսեց աղոթքով ու շնորհավորանքով:
«Սուրբ էջմիածնի լույսով մենք հասնենք ճշմարտության հաղթանակի»,- ասաց սրբազանը:
Նա ևս մեկ անգամ հայտարարեց, որ աջակիցների շարքերում հայտնվող մարդիկ , ովքեր ձեռքին ունենում են ինչ-որ գործիքներ, այլ նպատակ են հետապնդում ու շարժման հետ կապ չունեն:Սրբազանը ևս մեկ անգամ ոստիկաններին հիշեցրեց, որ 7 հոգով մարդ ծեծել չի կարելի:Ասաց, որ ձերբակալման վայրերում գտնվող 28 հոգուն ջերմ ողջույններ հղեն:
