Ուղիղ միացում. ԱԳՆ շենքի մոտ իրավիճակը շարունակում է լարված մնալ

ԱԳՆ շենքի դիմաց իրավիճակը շարունակում է լարված մնալ։ Այստեղ է եկել նաև ոստիկանապետ Արամ Հովհաննիսյանը։ Ոստիկանությունը շարունակում է ուժեր կուտակել։
«Որևէ ինստիտուտ մեր երկրում տղամարդ չի ղեկավարում՝ խոսքը սեռի մասով չէ, այլ՝ քաջություն ունենալու, ռիսկ ունենալու, պատասխանատվություն կրելու իմաստով եմ ասում։ Հստակ գիտեմ վախկոտը ԱԳՆ նախարարին ինչ ասես ասել է»,-ասաց Բագրատ Սրբազանը։ Նա քիչ առաջ հայտնել էր՝ տեղեկություն կա, որ ոստիկանները հրահանգ են ստացել ուժ կիրառել ակցիայի մասնակիցների նկատմամբ։ Բագրատ Սրբազանը պահանջում է ԱԳ նախարարի հետ հանդիպում։