ԱԺ «Հայաստան» խմբակցության պատգամավոր Արթուր Խաչատրյանը, այսօրվա նիստում անդրադառնալով Կիրանցում ստեղծված իրավիճակին, ասել է․ «Այն, ինչ երեկ տեղի ունեցավ, մանր ջեբկիրություն էր, մանր գողություն. պարզվում է՝ երբ ՀՀ-ն կադաստրի վկայական է տվել մեր հայրենակիցներին, սխալվել է։ Այս իշխանությունները, ի վնաս մեր քաղաքացիների, սխալվել են՝ կադաստրի քարտեզները գծելով։ Բա սխալվեիք, Ադրբեջանից մի 100 մետր ավելի վերցնեիք, թե՞ վախենում էիք։ Իսկ կլինի՞ Ադրբեջանից վախենալու փոխարեն սեփական ժողովրդից վախենալ»։
