Փրկարարները մոտեցել են Իրանի նախագահ Էբրահիմ Ռաիսիին տեղափոխող ուղղաթիռի ենթադրյալ վթարի վայրին, որը կոշտ վայրէջք է կատարել Իրանի հյուսիս-արևմուտքում, ՏԱՍՍ-ի փոխանցմամբ՝ հաղորդում է Press TV-ն՝ վկայակոչելով Իրանի Կարմիր մահիկի ընկերության ներկայացուցչին։
«Դեպքի վայրին են մոտեցել հինգ օպերատիվ խմբեր»,-նշում է հեռուստաալիքը։
Mehr գործակալությունը, իր հերթին, հայտնում է, որ փրկարարները գտնվում են դեպքի վայրից մոտավորապես երկու կիլոմետր հեռավորության վրա։
