Միացյալ Նահանգները ողջունում է Ադրբեջանի և Հայաստանի միջև սահմանների սահմանազատման գործընթացի մեկնարկը։ Դրա մասին նշել է ԱՄՆ պետքարտուղարության մամուլի քարտուղարի առաջին տեղակալ Վեդանտ Պատելը` հղում անելով ԱՄՆ պետքարտուղարի Х-ի միկրոբլոգում զետեղված հայտարարությանը:
«Ողջունում ենք լուրը, որ Հայաստանն ու Ադրբեջանն ընդունել են 1991 թվականի Ալմա-Աթայի հռչակագիրը՝ որպես երկու երկրների միջև սահմանների սահմանազատման հիմք։ Սա կարևոր քայլ է դեպի կայուն և արժանապատիվ խաղաղության համաձայնագիր»,- ասել է Պատելը:
