Սամվել Վարդանյանի մեղադրանքը լրացվել է այն հոդվածով, որն առաջադրվել է Արմեն Գրիգորյանին և Նարեկ Մալյանին, այս մասին ՔԿ Երևանի քննչական վարչության դիմաց լրագրողների հետ զրույցում ասել է փաստաբան Ռուբեն Մելիքյանը։ «Քրեական վարույթը նախաձեռնված է եղել խուլիգանության հոդվածի 1-ին մասով, մեղադրանքը լրացվել է՝ քաղաքական հիմքով թշնամանք, անհանդուրժողականություն հրահրելու հոդվածով, էն հոդվածով, որով, կարծում եմ, ՀՀ քաղաքացիների բավական մեծ մասին ցանկացած պահի կարող է այդ մեղադրանքն առաջադրվի»,- հավելել է նա։
