ՌԴ նախագահ Վլադիմիր Պուտինը հեռախոսազրույցներ է ունեցել Կուրգանի և Տյումենի նահանգապետեր Վադիմ Շումկովի և Ալեքսանդր Մոորի հետ։ Երկրի ղեկավարը նրանց հանձնարարել է ջրերի գարնանային հորդացման ընթացքում նախապատրաստել շրջանները հեղեղումներին, ասել է նախագահի մամուլի քարտուղար Դմիտրի Պեսկովը, գրում է «Կոմերսանտը»։
Ըստ Պեսկովի, Կուրգանի և Տյումենի շրջաններում ջրհեղեղի անխուսափելիությունը նշվել է հիդրոտեխնիկական կառույցներից ջրի բացթողման հարկադիր աճի հետ կապված, որը պայմանավորված է վերջին 100 տարվա ընթացքում ջրի մակարդակի աննորմալ բարձրացմամբ։
Պուտինը նահանգապետերի հետ զրույցում նշել է մարդկանց օգնելու և նրանց հնարավոր տարհանման համար վաղաժամ միջոցներ ձեռնարկելու անհրաժեշտությունը, հայտնել է Դմիտրի Պեսկովը։
Ավելի վաղ՝ այսօր՝ ապրիլի 7-ին, ՌԴ նախագահը տարածաշրջանում հեղեղումների հետ կապված իրավիճակը քննարկել է ԱԻՆ ղեկավար Ալեքսանդր Կուրենկովի և Օրենբուրգի նահանգապետ Դենիս Պասլերի հետ։ Նրան զեկուցվել է մարդկանց տարհանման և ջրհեղեղի հետևանքների վերացմանն ուղղված միջոցառումների մասին։
