ՀՀ Տավուշի մարզում` Իջևանի մարտական դիրքերում, ականի պայթյունից զինծառայող է վիրավորվել։ Sputnik Արմենիայի տեղեկություններով` դեպքը տեղի է ունեցել երեկ երեկոյան։
Զինծառայողը տեղափոխվել է Իջևանի ԲԿ, որտեղ էլ վիրահատվել է։
«Սստորին վերջույթներն են վնասվել։ Երկու ոտքերն ամպուտացվել են», – ասել են Իջևանի ԲԿ-ից։
Նշվում է, որ զինծառայողը տեղափոխվել է Երևան`«Մուրացան» զինվորական հոսպիտալ։
Դեպքի մասին մանրամասներ իմանալու համար դեռ չի հաջողվում կապ հաստատել ՊՆ–ի լրատվական ծառայության հետ։
