Բելառուսի նախագահ Ալեքսանդր Լուկաշենկոն հայտարարել է, որ Բելառուսը պատրաստվում է պատերազմի, սակայն պատերազմել չի ցանկանում: Տեղեկությունը փոխանցում է Ռիա Նովոստին։
«Ոչ մեկին մի հավատացեք, թե մենք ուզում ենք պատերազմել։ Մենք պատրաստվում ենք պատերազմի, ես այդ մասին անկեղծ եմ ասում։ «Խաղաղություն ես ուզում, պատրաստվիր պատերազմի»։ Սա շատ ճիշտ է ասված»,- ասել է Լուկաշենկոն։
Նրա խոսքով՝ երկրում ընթանում են համապատասխան ստորաբաժանումների անհրաժեշտ նախապատրաստությունները, զորքերին մատակարարվում են տարբեր տեսակի սպառազինություններ և տեխնիկա:
«Եթե այնտեղից (ոչ բարեկամական երկրներից) ինչ-որ մեկը մեզ քննադատում է, իմացեք՝ մենք ճիշտ ենք անում։ Եթե այնտեղ մեզ սկսեն գովել, դժբախտություն է», — ասել է Բելառուսի ղեկավարը։
Բելառուսի նախագահը նշել է, որ Մինսկը ոչ մեկին ոչնչով չի սպառնում։ «Մեզ պետք չէ որևէ մեկին սպառնալ։ Մենք օտար հող չենք ուզում», — ասել է նա ։
