Մահացել է «Կրոկուս սիթի հոլի» ահաբեկչության ժամանակ տուժածներից մեկը։ Այդ մասին տեղեկացրել է Ռուսաստանի առողջապահության նախարար Միխայիլ Մուրաշկոն, նրա խոսքերը մեջբերել է «ՌԻԱ Նովոստի»-ն։
Առողջապահության նախարարի խոսքով՝ տուժողը չափազանց ծանր վիճակում էր։
Այսպիսով, ահաբեկչության զոհերի թիվը հասավ 140-ի։
Մարտի 22-ի երեկոյան Մոսկվայի «Կրոկուս սիթի հոլ» համերգասրահում տեղի է ունեցել ահաբեկչություն։ «Պիկնիկ» խմբի ելույթից առաջ սրահ են ներխուժել զինված մարդիկ եւ կրակ բացել հանդիսատեսների ուղղությամբ։
