Ով է հայրենիք հանձնողը, ոչ մեկը հող չի հանձնում Այս մասին այսօր՝ մարտի 25-ին, ԱԺ-ում լրագրողների հետ զրույցում նշեց ԶՈՒ գլխավոր շտաբի պետ Էդվարդ Ասրյանը՝ անդրադառնալով հարցին, թե արդյոք Տավուշի մարզի 4 գյուղերը մեր հողերը չեն, որ իշխանությունն ուզում է հանձնել:
Հարցին՝ նորմա՞լ է շանտաժողվ խոսելը, որ եթե հողերը չտանք, պատերազմ կլինի, նա արձագանքեց. «Ո՞վ է ասել. ԶՈՒ գլխավոր շտաբի պետը զինված ուժերի ղեկավարն է: Ես ղեկավարում եմ զինված ուժերը եւ զինված ուժերը իրենց առջեւ դրված խնդիրները կատարում են:
Պատերազմ կարող է լինել եւ մեկ ժամ հետո, եւ երկու ժամ հետո, երեք ժամ հետո, մեկ տարի հետո, երկու տարի հետո, 5 տարի հետո: Մենք հող հանձնող չենք»:
Նա չպատասխանեց մնացած հարցերին, մասնավորապես, նրան, թե եթե լինի հող հանձնելու հրաման, դուք կկատարե՞ք:
